Danmarkimi aasarsiortarfimmik pisineq

Danmarkimi nammineq pigisannik feeriartarfissamik aasarsiortarfittaarnissat sinnattuaqissutigaajuk? Taamaappat illumik ujartuilersinnak makku eqqarsaatigisassaapput: sumiiffik, aningaasaqarneq, aasarsiortarfiullu soqarnissaanik kissaateqarnerit.

Una atuarlugu eqqarsaatigeqqusagut takukkit.

Kingorna aasarsiortarfissamik pisissaguit aningaasaqarninnut qanoq kinguneqarnissaa paasiniarlugu naatsorsuininni ikiussavatsigit.

Sumiiffik

Amerlanerit immap tungaanut isikkiveqarusuttarput, tamannali akisunerusarpoq. Taamaammat eqqarsaatigisinnaavat sissamit, orpippassuarnit, nalunngisannit illoqarfimmiilluunniit qanoq ungasitsigisumiikkusussinnaassanerlutit. Eqqarsaatigiuk illu sissamut, pisiniarfissamut bussinullu qimuttuitsunulluunniit qanoq qanitsigissanersoq. Aasarsiortarfippassuit akornanni illoqarniarnerlutit imaluunniit nipaannerusumi inukinnerusumilu inissisimarusunnerlutit.

Postnormut ilaat orniginarnerutinneqartarput. Taamaammat illoqarfik taannaqqissaajunngikkaluartoq orniginarnerusut eqqaamiuisa arlaat toqqarsinnaavat. Imaakkajuttarpoq sumiiffinni assigiinngitsuni periarfissat assigiipajaaraluarlutik aasarsiortarfiit sumiiffii apeqqutaallutik akimigut assigiinngitsorujussuusut.

Aasarsiortarfik soqartikkusuppiuk?

Aasarsiortarfik sumut atorniarnerlugu eqqarsaatigiuk. Qanoq angitigissava, qassit unnuisinnaassappat? Illu attartortittarniarpiuk?

Aaqqissuinerit aserfallatsaaliinerillu

Aasarsiortarfik assigiinngitsutigut isumagisassaasarpoq - tamannalu piffissartornarlunilu akisusarpoq. Ivikkat orpikkallu killugassat, ungalusat qalipatassat. Taamaammat illumik toqqaaleruit eqqarsaatigilluariuk - illu nutaajussava, pisoqaassava? Eqqaa naatsiiveqassava imaluunniit soqassanngila?

Upernaat tamaasa illu aasamut piareersagassaassaaq, ukiakkullu matullugu ukiumut piareersagassaassalluni - Bolius.dk-mi siunnersuutit uani atuakkit.

Illusitinnak avataaniit siunnersortimik sanaartornermilluunniit ilisimasalimmik ikiortissarsiorsinnaavutit. Ingammik aasarsiortarfik pisoqaappat aserfallatsaaliinermut aningaasartuutissat paasiniaqqissaartariaqarput. Aaqqiinissamut akiliilaarneq iluaqutaasinnaavoq, kisianni annertuallaaleraangamik ajoqutaalersinnaapput. Illusilernermi avataanit siunnersorneqarnissaq iluartuaannarpoq, illumut "asannilersoorsimallutit" arajutsisaqarnissat pinaveersaartinniarlugu.

Nutaamik sanaartorniaruit

Soorunami aamma nutaamik aasarsiortarfiliortoqarsinnaavoq. Qulaani eqqartukkavut tassani aamma eqqarsaatigisinnaavatit, tassungalu ilanngullugu eqqarsaatigisassaassapput aningaasaliineq, lokalplanit sanaartorfigerusutannilu inatsisit atuuttut.