Qitornat inuusuttuaranngulerpat
Inuusuttuaraateqalernermi allannguuterpassuit pisarput – aamma aningaasat tungaasigut. Angajoqqaatullu naak illit suli aningaasanut tunngatillugu qitornannut akisussaasuugaluarlutit, inuusuttuutivit aningaasanut atatillugu aamma namminiilernera annertusiartuinnartussanngorpoq.
Nakkakaatitsivik atorunnaarlugu korteqarlunilu netbankeqalissaaq. Sulileqqaarnissaa qallilivissaaq. Ilai efterskoleriartarput, allallu aamma suli inuusuttuullutik angerlarsimaffik qimallugu nuuttarput ilinniarnertuunngorniarlutik.
Sungiunniagassat amerlaqaat, aalajangigassarpassuillu eqqumaffigisassaallutik. Taamaammat angajoqqaanut inuusuttuaraatilinnut siunnersuutissarpaaluit uani katersorsimavagut.
Inuusuttunut kortit
Qitornavit aningaasarpassuarnik tigummiaqarnissaa pinngitsoortinniarlugu akiliutaasumik korteqartinnissaa iluatinnarsinnaavoq. Meeqqat inuusuttullu korteqarsinnaapput Mastercard Debit Standardimik. Kortip taassuma iluaqutigaa kontomi uninngasut sinnerlugit atuisoqarsinnaananilu tigusisoqarsinnaannginnami.
Inuusuttunut Netbank
Netbankikkut qitornavit kontomi uninngasuutini takusinnaavai, taamaasillunilu aningaasanik atuinini malinnaavigilluarnerusinnaallugu.
Qitornat 17-ileereersimappat nammineq Netbank Ung atulersinnaavaa. Netbank Ung atorlugu kontomini uninngasuutini takusinnaavai, kontomilu akornanni aamma aningaasanik nuussisinnaalluni.
Pengeskabet – kaasarfimmiunut app-i
Qitornat suli 17-iliisimanngippat kaasarfimmiunut app-i Pengeskabet atulersinnaavaa. Pengeskabet atorlugu kontomini uninngasut amerlassusaat takusinnaavai, aammalu kontomit atuisimanini takusinnaallugu.
Uatsinni periarfissatit paasisaqarfiginerorusuppigit?
Uunga sianerfigitigut